Amiir Maxamed Bin Salmaan, Dhaxal-sugaha Boqortooyada Sacuudiga iyo Ra’iisul Wasaaraha, ayaa shalay oo Arbaco ah ku dhawaaqay aasaaska “Guddiga Sare ee Martigelinta Koobka Adduunka 2034,” ka dib markii Xiriirka Kubadda Cagta Adduunka (FIFA) si rasmi ah ugu dhawaaqay in Sacuudiga uu ku guuleystay martigelinta Koobka Adduunka ee 2034.
Amiirka ayaa madax ka noqon doona Guddiga Sare ee Martigelinta Koobka Adduunka 2034, kaas oo ay xubno muhiim ah ka mid yihiin Amiir Cabdicasiis Bin Turki Bin Faysal, Wasiirka Isboortiga; Amiir Cabdicasiis Bin Sucuud Bin Naayif, Wasiirka Arrimaha Gudaha; iyo Amiir Bader Bin Cabdulla Bin Farxaan, Wasiirka Dhaqanka, iyo Yaasir Al-Mashal, Guddoomiyaha Xiriirka Kubadda Cagta ee Sacuudiga.
Wakaaladda Wararka ee Sacuudiga ayaa sheegtay in aasaasidda guddigan ay caddeyn u tahay go’aanka Sacuudiga ee ku aaddan soo bandhigista tartan heer sare ah oo taariikhi ah, aya noqonaysa markii ugu horreeysay ee abid martigeliso ciyaaraha aduunka iyadoo ay ka qeyb qaadanayaan 48 dal oo ka kala socda qaaradaha adduunka oo dhan.
Waxa kale oo la filayaa in Boqortooyada Sacuudiga ay isku muujiso iyada oo loo marayo martigelinta Koobka Adduunka 2034 inay tahay meel dhaqaale, maalgashi, isboorti, dalxiis, dhaqanka, iyo madadaalo ku habboon, iyadoo malaayiin booqdeyaal ah ay baran doonaan dhaxalka iyo taariikhda hodanka ah ee uu Sacuudigu leeyahay, iyo sidoo kale dhaqankiisa qotada dheer
