Ra’iisul wasaaraha cusub dowladda Suuriya ee mucaaradka la xiriira, Maxamed Al-Bashiir, ayaa ku dhawaaqay khudbad telefishin laga sii daayay Talaadadii in loo magacaabay Ra’iisul Wasaare ku meel gaar ah oo muddo saddex bilood ah xafiiska sii joogi doona. Inta lagu jiro muddadan, dowladdiisa ayaa ka shaqeyn doonta sidii Suuriya loogu wareejin lahaa xukuumad cusub.
Al-Bashiir ayaa intaas ku daray in wasiirrada “Dowladd Badbaadinta” ee oo hoos tagta ururka hay’adda Xoreynta Shaam, iyo sidoo kale shaqaalaha rayidka ah ee dowladdii madaxweynihii xilka laga qaaday, Bashar Al-Asad, ay sii wadi doonaan shaqooyinkooda iyaga oo ah wasiirro dowr ku meel gaar ah ilaa 1-da Maarso 2025.
Al-Bashiir ayaa khudbaddiisa ku yiri: “Waxaan qabannay shir golaha wasiirrada oo ay ka soo qeyb galeen ee Dowladd Badbaadinta Suuriya oo ka howlgalaysay degaanka Idlib iyo nawaaxigeeda, iyo sidoo kale qaar ka mid ah dowladdii hore ee nidaamka xilka laga tuuray.”
Wuxuu sidoo kale carrabka ku adkeeyay: “Shirku wuxuu diiradda saaray sidii loo wareejin lahaa hay’adaha dowladeed iyo maareynta arrimaha taagan.”
Muuqaal fiidiyow ah ayaa muujiyay kulan dhex maray hoggaamiyaha kooxaha mucaaradka Suuriya, Abuu Maxamed Al-Jowlani, iyo Ra’iisul Wasaarihii nidaamka xilka laga qaaday, Maxamed Qaazi Al-Jalaali, si ay ugu heshiiyaan sidii loo hagaajin lahaa wareejinta awoodda si adeegyada loogu fidiyo shacabka Suuriya, sida ay sheegtay wakaaladda wararka Suuriya ee SANA habeenkii Isniinta.
