Kooxda Inter Milan ayaa guul weyn ka gaartay kooxda Lazio kadib markii ay ku xasuuqeen 6-0 Isniintii, taasoo ahayd gabagabada wareegga 16-aad ee horyaalka Serie A ee Talyaaniga.
Inter ayaa si buuxda u maamushay ciyaarta, iyadoo xiddiga reer Turki Hakan Calhanoglu uu furay goolasha daqiiqaddii 41 isagoo rikoodhe ku dhaliyay goolka koowaad. Ka hor dhammaadka qeybta hore, daqiiqaddii 45, wuxuu Federico Dimarco dhaliyay goolka labaad, sidaasna waxaa ku dhammaaday qeybtii hore iyadoo Inter ay ku hoggaamineyso 2-0.
Markii la isku soo laabtay, Inter ayaa sii waday maamulkii iyo weerarkii xoogganaa. Daqiiqaddii 51, Nicolo Barella ayaa dhaliyay goolka saddexaad, waxaana laba daqiiqo kadib oo ahayd 53, goolka afraad ku daray xiddiga reer Holland Denzel Dumfries.
Inter kama harin cadaadiska, waxaana daqiiqaddii 77 dhaliyay goolka shanaad Carlos Augusto oo ah xiddiga reer Brazil. Markii ciyaarta ay gashay daqiiqadihii ugu dambeeyay, ayuu weeraryahanka reer France Marcus Thuram dhaliyay goolka lixaad daqiiqaddii 90, taasoo ciyaarta ka dhigtay mid si buuxda Inter ugu awood sheegatay Lazio.
Guushaan ayaa Inter ka caawisay inay sare u qaaddo dhibcaheeda oo gaarsiiso 34 dhibcood, taasoo ku ridday kaalinta saddexaad ee kala sarreynta horyaalka Serie A. Dhanka kale, kooxda Lazio ayaa ku sugnaatay kaalinta shanaad iyadoo leh 31 dhibcood.
Guushaan ayaa Inter ka saaciday inay gaarto 34 dhibcood, iyagoo ku jira kaalinta saddexaad, oo 3 dhibcood kaliya ka hooseeya kooxda hogaanka haysa ee Atalanta oo leh 37 dhibcood. Halka Inter ay wali u harsantahay hal kulan oo baaqi u ah oo ay la ciyaari doonto Fiorentina
