Ruushka ayaa maanta oo Jimco ah ku dhawaaqay in ciidamadoodu ay dib u qabsadeen ku dhawaad 63% dhulkii ay Ukraine ka qabsatay gobolka Kursk ee galbeedka dalka, halka Kyiv ay sheegtay in ay soo rideen 33 ka mid ah 50 diyaaradood oo aan duuliye lahayn oo Ruushku habeenkii hore soo diray.
Wasaaradda Difaaca Ruushka ayaa bayaan ay soo saartay ku sheegtay in Ruushku uu dib u qabsaday 4 tuulo inta lagu guda jiray usbuuca koowaad iyo kan labaad ee bisha Janaayo.
Dhanka kale, ciidamada Ukraine ayaa bayaan ku sheegay in ay “qabteen 27 askari oo Ruush ah maalmahan dambe intii lagu jiray dagaallada” gobolka Kursk, iyagoo raaciyey muuqaal ay ku sheegeen inuu muujinayo maxaabiista oo ka hadlayay magacyadooda hortooda kaamerada.
Bishii Agoosto 6-dii sanadkii hore, ciidamada Ukraine ayaa weerar lama filaan ah ku qaaday xadka Ruushka, iyagoo qabsaday dhul loo malaynayo in uu Kyiv u noqon karo kaarar muhiim ah oo lagu gorgortamo wada-hadallo suurtagal ah oo lagu soo afjarayo dagaalka.
